Na Tujh Ko Dukh Rahe Nakaami E Ulfat Ka Ab Koi
Na Ho Afsos Mujh Ko Bhi Ab Apni Kam Naseebi Par
Na Qissaa Aam Ho Apni Us Nakaara Ulfat Ka
Hasenge Log Varna Is Mohabat Ki Dil Farebi Par

Chalo Ek Baar Phir Se Ajnabi Ban Jayen Hum Dono,

Yaaden Mit Hi Jaayen Sab Puraani Dil Se Ab Apne
Na Haasil Ho Koi Bhi Karb Apni Zindagaani Me
Mit Jaaye Mohabat Is Tarah Se Teri Aur Meri
Ke Mit Jaata Hai Koi Bulbula Sa Jaise Pani Me

Chalo Ek Baar Phir Se Ajnabi Ban Jayen Hum Dono,

Jo Dekho Jab Kisi Parvaane Ko Jaltaa Hua Gar Tum
To Aankhe Band Karna Aur Mujh Ko Yaad Kar Lenaa
Na Bas Paaya Gar Aashiyaan Mera To Gham Kya Hai
Tum Apna Ghar Khushi Se Phir Kahin Aabaad Karlena